“Qarabağ”ın baş məşqçisi Qurban Qurbanov Premyer Liqanın 17-ci turu çərçivəsində “Sumqayıt”a qarşı keçirdikləri oyunu şərh edib.
“Qafqazinfo” xəbər verir ki, o, 5:0 hesablı qələbəni belə şərh edib:
“Önəmli qalibiyyətdir. Komandada bəzi çatışmamazlıqlar var idi. Yorğunluq var idi. Futbolçularımızı tam sağlam istirahətə buraxmağı çox istərdik. Ancaq təəssüf ki, alınmır. Bu, məni marahat edir. Yaxşı çıxış etsək də, səhvlər qaçılmaz idi. Azarkeşlərimizə də təşəkkür edirəm ki, bu gün bizlərlə oldular.
Hər mövqeyə axtarışlar gedir. Mərkəz müdafiəçisi mövqeyinə ciddi axtarışındayıq. Təbii ki, daxili çempionatda da maraqlandığım futbolçular var”.
