Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti ABŞ-də keçirilən “MarCom Awards” beynəlxalq müsabiqəsində mükafata layiq görülüb.
Xidmət müsabiqənin “Əmək Münasibətlərində Görkəmli Animasiyalar” kateqoriyasının “Rəqəmsal videonun yaradılmasında mükəmməllik” altkateqoriyasının “2024-cü ilin Platinum Mükafatçısı” nominasiyası üzrə qalib gəlib (https://enter.amcpros.com/marcom/entry/hwr/).
Təqdim olunan maarifləndirici animasiyalar və qrafik videoçarxlar münsiflər heyəti tərəfindən yüksək qiymətləndirilib və Xidmət “Platinum” ali mükafatı ilə təltif olunub.
Müsabiqəyə Azərbaycanla yanaşı, ABŞ, Kanada, Portuqaliya, Çin, Almaniya, Birləşmiş Ərəb Əmirlikləri, Fransa, Böyük Britaniya və digər ölkələrdən 1500-dən çox layihə təqdim edilib.
