Olaylar.az xəbər verir ki, Ali Radanın deputatı Aleksandr Dubinski bu sözləri Ukrayna liderinin Milad bayramı zamanı atəşi dayandırmaqdan imtina etməsinə münasibət olaraq səsləndirib.
Dubinski Teleqram hesabında yazıb ki, "Orban Avropada Trampın qeyri-rəsmi müzakirəçisidir və Zelenskinin onunla danışmaqdan imtina etməsi əslində bu əlaqədən qaynaqlanır".
Xatırladaq ki, Macarıstanın xarici işlər naziri Peter Siyarto baş nazir Viktor Orbanın Zelenski ilə Milad bayramında atəşkəs imkanını müzakirə etmək üçün telefon danışığına cəhd etdiyini, lakin Ukrayna liderinin bundan imtina etdiyini açıqlamışdı.
Dubinskiyə görə, Zelenski yalnız Tramp ilə danışmaq niyyətindədir, lakin ABŞ-də demokratlara güvəndiyi üçün belə bir danışıq təkcə sülh danışıqlarının müzakirəsi deyil, həm də Tramp üçün yeni bir impiçment cəhdi ola bilər. Deputat əlavə edib ki, "Zelenski və ya onun məsləhətçiləri Trampın ünsiyyət tərzini yaxşı bilirlər və bunu ona qarşı istifadə etməyə cəhd edə bilərlər".
