Gəncədə partlayış hadisəsi baş verib.
Xezerxeber.az-ın məlumatına görə, hadisə səhər saatlarında Məhsəti qəsəbəsində qeydə alınıb.
47 yaşlı Asif Tağıyev fərdi yaşayış evinin həyətində minaatan mərmisi ilə ehtiyatsız davranması nəticəsində onun partlamasına səbəb olub. Nəticədə ev sahibi həyatını itirib.
Ölən Asif Tağıyev Vətən müharibəsi şəhidi Eşqin Tağıyevin atasıdır. Onun metal qəbulu və satışı ilə məşğul olduğu bildirilir. Məlumata görə, mərhum minaatan mərmisini çöllük ərazidən tapıb və metal kimi satmaq niyyəti ilə evə gətirib. Partlayış isə o, mərminin alışdırıcısını çəkiclə sökmək istəyərkən baş verib.
Baş vermiş hadisə ilə əlaqədar hüquq-mühafizə orqanları tərəfindən müvafiq tədbirlərə başlanıb. Mərminin qalan hissəsi orada olan digər sursatlar ANAMA əməkdaşları tərəfindən hadisə yerindən götürülüb.
Xezerxeber.az mövzu ilə bağlı daha ətraflı videomaterialı təqdim edir.
