Yeni dərman Daun sindromlu insanların koqnitiv qabiliyyətlərini yaxşılaşdıracaq.
Mynews.az xəbər verir ki, beynəlxalq alimlər qrupu Daun sindromlu xəstələrin vəziyyətini yaxşılaşdırmaq üçün nəzərdə tutulmuş yeni AEF0217 birləşməsini sınaqdan keçirib.
Daun sindromu zehni gerilik və müxtəlif sağlamlıq xüsusiyyətləri, həmçinin özünəməxsus görünüş kimi özünü göstərən anadangəlmə genetik patologiyadır.
Klinik sınaqlarda Daun sindromu diaqnozu qoyulmuş 18-35 yaş arası 29 nəfər iştirak edib. Könüllülərə 28 gün ərzində AEF0217 molekulları olan dərman verilib.
AEF0217 kannabinoid CB1 reseptorunun həddindən artıq aktivliyinə qarşı durmaq üçün beynin təbii müdafiə mexanizmini təqlid edir.
Tədqiqatçılar qeyd ediblər ki, dörd həftəlik müalicənin nəticələri Daun sindromu terapiyası sahəsində bir ilkdir.
