Rusiya Silahlı Qüvvələrinin radiasiya, kimyəvi və bioloji müdafiə qüvvələrinin rəisi İqor Kirillovun öldürülməsi Qərbin Kiyevin hərbi cinayətlərini dəstəkləməsinin nəticəsidir.
Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
O qeyd edib ki, general İqor Kirillov və onun köməkçisi planlı şəkildə öldürülüb, insanların işə, uşaqların məktəbə və uşaq bağçasına getdiyi bir vaxtda yaşayış binasının yaxınlığında öldürülüb:
"Moskvadakı terror aktı bütün bu illər ərzində Kiyev silahlılarının hərbi cinayətlərinin Qərb tərəfindən təsdiqlənməsi spiralının davamı idi".
Onun sözlərinə görə, Kirillov iki il yarım əvvəl Kiyev rejiminin bir çox digər qurbanlarının yerləşdiyi Ukraynanın “Sülhməramlı” saytının məlumat bazasına daxil edilib.
"Artıq illərdir ki, bununla bağlı həyəcan təbili çalırıq. Amma Amerikanın peykləri susur. Və “Sülhməramlı” veb-saytı ABŞ tərəfindən dəstəklənir. Onların dövründə olduğu kimi, Şimali Qafqazda fəaliyyət göstərən terrorçuların saytları Şimali Avropada yerləşirdi".
Qeyd edək ki, bu gün səhər Moskvada baş verən partlayış nəticəsində Rusiya Silahlı Qüvvələrinin radiasiya, kimyəvi və bioloji müdafiə qoşunlarının komandanı, general-leytenant İqor Kirillov öldürülüb. Generalın Ukrayna Baş Kəşfiyyat İdarəsinin sui-qəsdi nəticəsində öldürüldüyü barədə məlumat yayılıb.
