Müəllif: Gülnar Əhmədli, Banco.az
Azərbaycanda işsiz statuslu şəxslərin sayı cari ilin dekabrın 1-i vəziyyətinə görə, 282,6 min nəfərə bərabər olub. Noyabr ayının əvvəlində bu göstərici 283,8 min idi.
Banco.az bu barədə Dövlət Statistika Komitəsinə istinadən xəbər verir.
Hesabat dövründə iqtisadi fəal əhalinin sayı 5 310,2 min nəfər olub, onlardan 5 027,6 min nəfərini məşğul əhali təşkil edib.
Qeyd edək ki, cari il noyabrın 1-i vəziyyətinə muzdla çalışan işçilərin sayı 1773,3 min nəfər, o cümlədən iqtisadiyyatın dövlət sektorunda 881,7 min nəfər, qeyri-dövlət sektorunda isə 891,6 min nəfər təşkil etmişdir. İqtisadiyyatın neft-qaz sektorunda 31,6 min nəfər, qeyri neft-qaz sektorunda isə 1741,7 min nəfər çalışıb.
