"Bu fakt Ukraynanın beynəlxalq qaydalara uyğun olaraq utilizasiya olunmayan kimyəvi silahlara malik olduğunu göstərir"-bunu Rusiya XİN-in rəsmi nümayəndəsi vurğulayıb.
Turkustan.az xəbər verir ki, Rusiya Xarici İşlər Nazirliyinin sözçüsü Mariya Zaxarova brifinqdə bildirib ki, Rusiya hüquq-mühafizə orqanları və Müdafiə Nazirliyi sentyabr ayında Ukraynanın ağ fosforlu sursatdan istifadə etməsi ilə bağlı təkzibolunmaz sübutlara malikdir.
“Ölkəmizin hüquq-mühafizə orqanları Rusiya Müdafiə Nazirliyi ilə birlikdə sentyabr ayında Ukrayna Silahlı Qüvvələri tərəfindən pilotsuz təyyarələrdən atılan sursatlarda öz-özünə alışan doldurma kimi ağ fosfordan dəfələrlə istifadə edilməsinə dair təkzibolunmaz sübutlar əldə ediblər”-deyə, diplomat qeyd edib.
“Onların istifadə etdiyi ağ fosforla doldurulmuş yandırıcı döyüş sursatları Cenevrə Konvensiyasının III Protokolu ilə qadağan edilib”. Rusiya diplomatik xidmətinin rəsmi nümayəndəsi bu vəhşiliklərdə iştirak edənlərin layiqli cavab alacaqlarına əmin olduğunu bildirib.
Aytən Yaşar/ Turkustan.az
