“YouTube” ulduzu Cimmi “MrBeast” Donaldson yeni layihəsi ilə yenidən gündəmdədir.
İndex.az xəbər verir ki, Donaldson Misir Piramidalarını 100 saatlıq icarəyə götürdü. Hər üç böyük piramidanı əhatə edən bu layihə xüsusi icazə ilə həyata keçiriləcək və icarəyə götürülmüş 100 saat ərzində “MrBeast” və onun icazə verdiyi piramidalardan başqa heç kim piramidalara girə və ya çıxa bilməyəcək.
“Podcast” yayımı zamanı layihəsini açıqlayan “MrBeast”, Misir hökuməti ilə bağlanmış razılaşma sayəsində piramidaların ümumiyyətlə ictimaiyyətə qapalı olan dəhlizlərini, məzarlarını və gizli otaqlarını araşdıracağını bildirib.
Bu təcrübəsini izləyicilərinə çatdırmaq üçün Donaldson piramidaların içərisində yatarkən və hər anı sənədləşdirən hərtərəfli video hazırlamağı planlaşdırır.
Layihə çərçivəsində məşhur “YouTuber” arxeoloqların rəhbərliyi altında gizli keçidləri və tarixi sirləri araşdıracaq. Lakin o, macəranı fərqli bir ölçüyə daşıyacaq və fövqəltəbii varlıqlara inanan dostlarını da özü ilə aparacaq. Komanda kabus ovu edəcək və piramidalardakı paranormal fəaliyyətləri araşdıracaq.
