Astroloji mütəxəssislərinin proqnozlarına görə, 2025-ci il bəzi bürclər üçün çətin sınaqlarla dolu olacaq. Zamanın enerjisi müəyyən bürcləri daha çox təsirləndirərək onları emosional və fiziki baxımdan sıxışmış vəziyyətə sala bilər.
Redaktor.az xəbər verir ki, 2025-ci ildə ən çox çarəsizlik hissi keçirəcəyi gözlənilən 4 bürc bunlardır:
1. Oxatan (22 Noyabr - 21 Dekabr)
Saturnun Balıq bürcündə olması Oxatanların ev, ailə və daxili təhlükəsizlik mövzularında təzyiq hiss etməsinə səbəb ola bilər. Onlar özlərini istiqamətsiz hiss edə və keçmişləri ilə üzləşməli ola bilərlər. Xüsusilə maliyyə qeyri-müəyyənlikləri və emosional dalğalanmalar bu bürcün üzərinə ağır yük qoya bilər.
2. Balıq (19 Fevral - 20 Mart)
2025-ci ildə Saturn və Neptunun təsiri ilə Balıqlar böyük məsuliyyətlər daşımaq məcburiyyətində qalacaq. Xəyallarını reallıqla uyğunlaşdırmaqda çətinlik çəkə bilərlər. İnsanlara "yox" deməkdə çətinlik çəkən Balıqlar özlərini çarəsiz vəziyyətdə tapa bilərlər.
3. Qız (23 Avqust - 22 Sentyabr)
Qız bürcünü 2025-ci ildə münasibətlər və əməkdaşlıqlar sahəsində ciddi sınaqlar gözləyir. Saturnun Balıq bürcündəki mövqeyi, Qızların qarşıt bürcündə çətin enerjilər yaradacaq. Tənha hiss etmək, münasibətlərdə balanssızlıq və həyatını qaydaya salmaqda çətinlik bu bürcü daha çox təsir altına sala bilər.
4. Əkizlər (21 May - 20 İyun)
Əkizlər bürcü 2025-ci ildə karyera və həyat məqsədləri ilə bağlı böyük qərarlar verməli olacaq. Keçmişdəki seçimlərin nəticələri ilə üzləşmək məcburiyyətində qalaraq, özlərini qeyri-müəyyən vəziyyətdə hiss edə bilərlər. Streslə mübarizə aparmaqda çətinlik çəkmək və istiqamətsizlik hissi bu bürcün əsas sınaqları olacaq.
Astroloqlar bu bürclərə səbirli olmağı və daxili güclərini tapmağı tövsiyə edir.
Türkan İSGƏNDƏRLİ
