Rusiyanın xarici işlər naziri Sergey Lavrov iordaniyalı həmkarı Ayman əs-Səfədi ilə Suriyada Bəşər Əsədin ölkədə devrilməsindən sonra vəziyyəti müzakirə edib.
Oxu24.com xəbər verir ki, bu barədə Rusiya Xarici İşlər Nazirliyinin saytında məlumat verilib.
“Dekabrın 17-də İordaniya tərəfinin təşəbbüsü ilə Rusiya Federasiyasının Xarici İşlər Naziri Sergey Lavrov ilə Haşimilər Krallığının Baş nazirinin müavini, Xarici İşlər və Mühacirlərin İşləri Naziri arasında telefon danışığı olub. İordaniya, Ayman əs-Səfədi”, - deyə Rusiya Xarici İşlər Nazirliyi məlumat yayıb.
İordaniya Xarici İşlər Nazirliyinin rəhbəri Lavrova İordaniyanın cənubda həmsərhəd olduğu Suriyadakı vəziyyət barədə danışıb. Lavrov söhbət zamanı qeyd edib ki, həm Moskva, həm də Əmman Suriyada vəziyyətin tezliklə normallaşmasına sadiqdir.
Bu günlərdə Rusiya Elmlər Akademiyasının Şərqşünaslıq İnstitutunun Ərəb və İslam Araşdırmaları Mərkəzinin aparıcı əməkdaşı Boris Dolqov Türkiyənin Suriyanın ikinci böyük şəhəri Hələbi ilhaq etməyə hazırlaşdığını bildirib.
Bundan əvvəl ABŞ Əsəd rejiminin irimiqyaslı narkotik istehsalından xəbər tutmuşdu.
Nigar
