İngiltərənin "Mançester Yunayted" klubu müqaviləsi mövsümün sonuna başa çatan Amad Diallo ilə bağlı qərarını verib.
Sportal.az xəbər verir ki, Premyer Liqa klubu Fil Dişi Sahili millisinin üzvünü uzun müddət komandada saxlamaq istəyir. Bu barədə insayder Fabritsio Romano məlumat yayıb.
"Mançester Yunayted" 22 yaşlı vingerlə yeni sözləşmə imzalamağı planlaşdırır. Artıq futbolçu ilə müqavilə barədə danışıqlara start verilib.
Qeyd edək ki, "Mançester Yunayted" Amad Diallonu 2021-ci ilin yanvar ayında "Atalanta"dan transfer edib. Afrikalı oyunçu bu mövsüm "qırmızı şeytanlar"ın heyətində meydana çıxdığı 23 rəsmi matçda 4 qol və 6 məhsuldar ötürmə ilə yadda qalıb.
saytlarin hazirlanmasi
