Türkiyənin xarici işlər naziri Hakan Fidan Fransanın xarici işlər naziri Jan Noel Barrot ilə telefon danışığı aparıb.
Axar.az xəbər verir ki, bu barədə Türkiyənin Xarici İşlər Nazirliyi məlumat yayıb.
Telefon danışığı zamanı əsas gündəm Suriyadakı hadisələr olub.
H.Fidan Suriyada keçid prosesinin dinc, əhatəli və davamlı şəkildə irəliləməsinin həyati əhəmiyyət daşıdığını bildirib.
O, beynəlxalq ictimaiyyətin bu prosesdə Suriya xalqına hər sahədə güclü dəstək verməsinin vacibliyinə diqqət çəkib.
