Ukrayna mümkün sülh danışıqları zamanı Rusiyanın Silahlı Qüvvələrdə şəxsi heyət və hərbi texnikanın sayının azaldılması şərti ilə razılaşmayacaq.
APA-nın “ strana.ua”ya istinadən xəbərinə görə, bunu prezident Vladimir Zelenski açıqlayıb.
O əlavə edib ki, əsas məqsəd ordunun Avropanın güclü və nəhəng ordusuna çevirməkdən ibarətdir.
Ukrayna lideri ölkəsinə sülhməramlı missiyanın cəlb olunması ideyası barədə də danışıb:
"Orduda məhdudlaşma həyata keçirməyə ixtiyarımız yoxdur. Ölkəmizin təhlükəsizliyinin təminatına aparan ən uğurlu yol NATO-ya üzvlük məsələsinin həll olunması, habelə Rusiyaya qarşı sanksiya siyasətinin davam etdirilməsidir. Mən eyni zamanda ölkəmizə sülhməramlıların gətirilməsi məsələsini də dəstəkləyirəm. Bir sıra Avropa liderləri buna tərəfdardır. Proses kifayət qədər mürəkkəbdir və özündə bəzi riskləri ehtiva edir” – deyə, V. Zelenski fikirlərini tamamlayıb.
