Qarabağ Regional Təhsil İdarəsi intihar xəbəri yayılan əməkdaşın ölümü barədə açıqlama verdi

Qarabağ Regional Təhsil İdarəsinin Xankəndi şəhəri və Xocalı rayonu üzrə təhsil sektorunun əməkdaşı Həsənov Nəcəfin intihar etməsi xəbəri ilə bağlı açıqlama yayıb.

 

Qarabağ Regional Təhsil İdarəsindən verilən məlumata görə, Nəcəf Həsənov dekabrın 23-də yaşadığı evdə dünyasını dəyişib.

 

Qeyd edilib ki, hazırda hadisə ilə bağlı hüquq-mühafizə orqanları tərəfindən araşdırma aparılır.

 

Tibbi-ekspertiza yekunlaşdıqdan sonra hadisənin baş vermə səbəbi ilə bağlı əlavə məlumat veriləcək. İlkin ehtimala görə, Nəcəf Həsənov beyninə qan sızması səbəbindən dünyasını dəyişib.