Ucarda xəsarətlə nəticələnən yol-nəqliyyat hadisəsi baş verib.
Bakupost.az xəbər verir ki, hadisə gecə saatlarında Bakı-Qazax avtomagistralının rayonun Müsüslü kəndinin yaxınlığından keçən hissəsində baş verib. Belə ki, idarəetmədən çıxan minik avtomobili yol kənarına aşıb. Qəza nəticəsində 1984-cü il təvəllüdlü Ağstafa rayon sakini Əliyeva Samirə Rauf qızı xəsarət alıb. Ona zəruri tibbi yardımlar göstərilib.
Faktla bağlı araşdırma aparılır.
