Berlin, 7 yanvar, AZƏRTAC
Almaniyanın Hessen əyalətindəki Rimbax şəhərində bıçaqlı şəxs “Volksbank” şöbəsinə hücum edib.
AZƏRTAC “Bild” qəzetinə istinadla xəbər verir ki, səhər saatlarında banka daxil olan şəxs qadın əməkdaşı girov götürüb.
Hadisə ilə əlaqədar polis tərəfindən dərhal əməliyyat keçirilib, bankın yerləşdiyi bina tam nəzarətə götürülüb. Həmin şəxs dərhal yaxalanıb, qadın isə xəsarət almadan xilas edilib. Bankın digər əməkdaşlarının da xəsarət almadığı bildirilir.
Hadisə ilə bağlı araşdırma aparılır.
Elvin Mövsüm
AZƏRTAC-ın xüsusi müxbiri
Berlin
