Trampın “Qrenlandiya qambiti” Putin və Xi-yə kömək edə bilər...
Poliqon xəbər verir ki, ABŞ prezidentinin keçmiş milli təhlükəsizlik müşaviri Con Bolton bunu CNN telekanalına bildirib.
Boltona görə, Donald Trampın Qrenlandiyaya qarşı hərbi güc tətbiqini istisna etməkdən imtina etməsi Rusiya lideri Vladimir Putin və Çinin dövlət başçısı Si Tsinpinin əlinə fürsət verir.
Bolton qeyd edib ki, Si Tsinpin Tayvanla bağlı eyni mövqedədir. Bu fonda Çin lideri hərbi güc tətbiq etməkdə ABŞ-nin seçilmiş prezidentindən nümunə götürə bilər. Bundan əlavə, ekspert hesab edir ki, Vladimir Putin Ukraynadakı hadisələrdən danışarkən Trampın ritorikasına da istinad edə bilər.
“Vladimir Putin deyə bilər: Bax, əlbəttə ki, mən bunu başa düşürəm. Ukrayna Rusiyanın milli təhlükəsizliyi üçün mühüm əhəmiyyət kəsb edir. Biz də eyni səbəbdən güc tətbiq edirik”, deyə ABŞ prezidentinin keçmiş milli təhlükəsizlik müşaviri vurğulayıb.
Bolton qeyd edib ki, əgər Birləşmiş Ştatlar Qrenlandiyanı - yeri gəlmişkən, bu gün Amerika qoşunlarının yerləşdiyi ərazini - işğal etsə, Vladimir Putin buna qarşı çıxmaz və buna sadəcə sevinər.
Xatırladaq ki, yanvarın 7-də ABŞ-ın yeni seçilmiş prezidenti Donald Tramp bildirib ki, Qrenlandiya ABŞ-ın bir hissəsi olmalıdır. Seçilmiş prezidentə görə ABŞ-nin milli təhlükəsizliyini və “azad dünyanın” qorunması üçün bu addəm strateji əhəmiyyət kəsb edir.
Poliqon.info
