Bu gün "Qarabağ" və "Kəpəz" qış təlim-məşq toplanışları çərçivəsində ilk yoxlama oyunlarını keçiriblər.
QOL.az xəbər verir ki, komandalar "Azersun Arena"da qarşılaşıblar. Görüş ğdam təmsilçisinin 5:1 hesablı qələbəsi ilə yekunlaşıb.
"Qarabağ"dan Aleksey Kaşuk (5, 14, 35), Emmanuel Addai (38) və Davud Məsumov (64) fərqlənib.
"Kəpəz"in qolunu isə Ehtiram Şahquliyev (67) vurub.
Oyun azarkeşlər üçün qapalı keçirilib.
Qeyd edək ki, "Qarabağ" Misli Premyer Liqasının cari mövsümünün ilk yarısını qış çempionu kimi başa vurub. "Kəpəz" isə sıralamada 11 xalla 9-cudur.
Əlavə edək ki, "Qarabağ" yanvarın 12-də "Zirə" ilə yoxlama matçına çıxacaq. "Kəpəz"in növbəti rəqibi isə hələlik məlum deyil.
Yoxlama oyunu
14:00. "Qarabağ" - "Kəpəz"
