2023-cü ilin sonunda Yaponiya nominal ÜDM-ə görə dünyada üçüncü iqtisadiyyat olaraq yerini Almaniyaya verdi.
Publika.az xəbər verir ki, bu barədə “RİA Novosti” məlumat yayıb.
Yaponiya Nazirlər Kabinetinin məlumatına görə, ötən il inflyasiyaya düzəliş edilmədən ölkənin nominal ÜDM-i 591,48 trilyon yen (təxminən 4,21 trilyon dollar) təşkil edib. Bununla belə, Almaniyanın 2023-cü ildə nominal ÜDM-i təxminən 4,46 trilyon dollardır.
Avropa İttifaqının ən böyük iqtisadiyyatı olan Almaniyanın ÜDM-i 2023-cü ilin sonunda 0,3 faiz azalıb.
