ABŞ Ədliyyə Nazirliyi süni intellekt (AI) tərəfindən dəstəklənən “bot ferması” tərəfindən həyata keçirilən Rusiya dezinformasiya kampaniyasını dayandırdığını bildirib.
Herbiand.az xəbər verir ki, bu barədə France Press məlumat yayıb.
ABŞ Ədliyyə Nazirliyinin məlumatına görə, botlardan Rusiya hökumətinin maraqları naminə ABŞ və digər ölkələrdə dezinformasiyaların yayılması üçün istifadə edilən X onlayn xidmətində (keçmiş Twitter) saxta profillər yaratmaq üçün istifadə edilib.
Agentlik bildirir ki, məqsəd ABŞ və digər ölkələrdə nifaq salmaq olub. Planı Kreml tərəfindən maliyyələşdirilən və FSB tərəfindən dəstəklənən Rusiyanın dövlət yayımı olan RT-nin baş redaktoru hazırlayıb. Amerika rəsmiləri iki internet domenini ələ keçirib və minə yaxın saxta profili bloklayıb. Federal Təhqiqatlar Bürosunun (FTB) rəhbəri Kristofer Wray bildirib ki, ABŞ-ın bu hərəkəti “Ukraynadakı tərəfdaşlarımızı sarsıtmaq və geosiyasi ssenarilərə təsir etmək” məqsədi daşıyan Rusiya tərəfindən dəstəklənən süni intellektlə işləyən sosial media bot fermasının ləğvi ilə bağlı ilk dəfədir.
