Misli Premyer Liqası: "Qarabağ" "Zirə"nin qapısına 3 qol vurdu

Misli Premyer Liqasında V tura yekun vurulub. Sonuncu matçda "Zirə" "Qarabağ"la qarşılaşıb.

Görüş Ağdam təmsilçisinin qələbəsi ilə bitib - 3:1. Qonaqların heyətində 18-ci dəqiqədə Toral Bayramov, 33-cü dəqiqədə Emmanuel Addai, 88-ci dəqiqədə Abdullah Zubir fərqləniblər. Paytaxt klubunda 40-cı dəqiqədə Ceyhun Nuriyev adını tabloya yazdırıb.

Bu nəticədən sonra xallarının sayını 9-a çatdıran "Qarabağ" üçüncü pilləyə yüksəlib. "Zirə" 6 xalla beşincidir.

Qeyd edək ki, turun əvvəlki qarşılaşmalarında "Sabah" səfərdə "Kəpəz"i (3:2), "Araz-Naxçıvan" "Sumqayıt"ı (1:0), "Turan Tovuz" isə evdə "Səbail"i (1:0) məğlub edib. "Şamaxı" - "Neftçi" görüşündə hesab açılmayıb.