Göyçay, 6 sentyabr, Rəşad Türkoğlu, AZƏRTAC
Göyçay Rayon Mərkəzi Xəstəxanasından AZƏRTAC-a bildirilib ki, zəhərlənmə şübhəsi ilə xəstəxanaya yerləşdirilmiş vətəndaşlara alimentar və allergik qastrit diaqnozu qoyulub. İlkin tibbi müdaxilədən sonra 34 yaşlı Malikə Əhmədova, 66 yaşlı Sədaqət Əhmədova, 10 yaşlı Turan Əhədov və 6 yaşlı Zarina Əhmədzadə evə buraxılıb.
20:08
Göyçayda zəhərlənmə şübhəsi ilə bir ailə xəstəxanaya yerləşdirilib.
AZƏRTAC-ın bölgə müxbiri xəbər verir ki, ilkin məlumata görə, rayonun Xəlitli kəndində yaşayan bir ailənin 4 üzvü zəhərləndiklərini güman edərək Göyçay Rayon Mərkəzi Xəstəxanasına müraciət ediblər. Vətəndaşlara ilkin tibbi yardım göstərilib, hazırda müalicələri davam edir.
Onların hansı qida və məhsuldan zəhərləndikləri araşdırılır.
