1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Telegram" mesencerinin yaradıcısı Pavel Durov Fransada həbs olunduqdan sonra onun sevgilisi Yuliya Vavilova sosial şəbəkələrdə ilk paylaşımını edib.
Oxu.Az xəbər verir ki, bu barədə "İzvestiya" məlumat yayıb.
Vavilova izləyicilərinə üz tutaraq, həyatında olduqları üçün onlara təşəkkür edib. O, pərəstişkarlarından ölçüyəgəlməz dəstək aldığını bildirib.
Durovun sevgilisi qeyd edib ki, daha əvvəl sosial şəbəkələrdən istifadə etmək imkanı olmayıb. O, hər şeyin yaxşı olduğunu bildirib.
"Çoxlu yalan məlumatlar yayılıb, amma bu, gələcəyin mövzusudur", - Vavilova "Telegram" kanalında yazıb.
Xatırladaq ki, rusiyalı iş adamı avqustun 24-də Parisin "Le Burje" hava limanında saxlanılıb. Avqustun 28-də sahibkar ölkə ərazisini tərk etməməyə dair iltizamnamə ilə və 5 milyon avro girov müqabilində həbsdən azad edilib.
