Müğənni və aktrisa Selena Qomez rəsmən milyarder olub. Aktrisa təkcə filmlərdə və seriallarda fəal rol oynamır, həm də kosmetika brendinin sahibidir.
Lent.az xəbər verir ki, bu barədə "Bloomberg" məlumat yayıb.
Mənbənin sözlərinə görə, bu, onun şəxsi biznesi sayəsində mümkün olub: 32 yaşlı Qomez digər məşhurlarla fəal əməkdaşlıq edən kosmetika brendi olan "Rare Beauty Brands Inc"in sahibidir. Ulduzun sərvəti hazırda 1,3 milyard dollar qiymətləndirilir.
Xatırladaq ki, 2024-cü ilin may ayında Selena Qomez Kann Film Festivalında iştirakı ilə "Emiliya Perez" filmini təqdim etmişdi. Filmin aldığı 9 dəqiqəlik alqışlara görə aktrisa göz yaşlarına boğulmuşdu.
