Ermənistan Aİ-yə üzv ola biləcək? - Sabiq nazirdən ETİRAF

Avropa Birliyinə üzv olmaq üçün müraciət etmək sırf mexaniki prosesdir və burada vacib məsələ ondan əvvəl bu məsələdə milli razılığın əldə olunmasıdır. 

"Unikal" xəbər verir ki, bu barədə Ermənistanın keçmiş xarici işlər naziri Zöhrab Mnatsakanyan açıqlayıb. 

O, İrəvan dialoqu beynəlxalq forumundan sonra keçirilən panel müzakirəsində Ermənistanın indi Aİ-yə üzvlük üçün müraciət edib-etməyəcəyi sualına cavab olaraq deyib: "Əsas məsələ milli müqavilənin qurulması, ölkədə kollektiv azadlıq, suverenlik kimi dəyərlərin və bu ölkədə siyasi və iqtisadi həyatın təşkil olunduğu prinsiplərin təşkili prinsiplərinə aiddir. Onlara əsaslanaraq, xarici siyasət bu ölkəni maraqlandıran dövlət prioritetlərinin konsolidasiyası alətidir.

Aİ-yə üzvlük müraciətinə gəlincə, söhbət həmin fəaliyyətdən çox deyil, dövlət prioritetlərimizi dəstəkləyən çərçivələrin, xarici siyasətin, genişləndirilmiş əlaqənin yaradılmasından gedir". 

Sabiq xarici işlər naziri qeyd edib ki, Aİ-yə daxil olmaq təbii olaraq yaxşı haldır, lakin coğrafiya kimi yerlərdə reallıqlar nəzərə alınmalıdır: "Biz coğrafiyanı dəyişə bilmərik. Coğrafiyanın öz reallıqları var. Beləliklə, biz birini digəri ilə müqayisə etməli və buna uyğun olaraq xarici siyasət məsələsində mövcud reallıqları özündə birləşdirən strateji yanaşma hazırlamalıyıq".

Ağarza Elçinoğlu