Kamala Harris və Donald Tramp arasında ilk və potensial yeganə debat təxminən 1 saat 45 dəqiqə çəkib.
CNN xəbər verir ki, vitse-prezident debata geniş şəkildə hazırlaşmışdı və demək olar ki, hər bir cavabı keçmiş prezidenti qəzəbləndirmək üçün nəzərdə tutulmuş şərhlə doldurmuşdu. O, Trampa dünya liderlərinin ona güldüyünü, hərbi liderlərin isə onu “rüsvayçılıq” adlandırdığını deyib. Harris Trampı “zəif” və “yanlış” adlandırıb. Onun sözlərinə görə, Tramp 81 milyon seçici tərəfindənvəzifədən uzaqlaşdırılıb – bu, 2020-ci ildə prezident Co Baydenə səs verənlərin sayıdır.
Tramp isə “Bizim ölməkdə olan bir millətimiz var” deyib.
Tərəflər xalqın bugünkü vəziyyəti və seçiləcəkləri təqdirdə bunu necə dəyişəcəkləri ilə bağlı zidd baxışlarını ortaya qoyublar. Harris orta təbəqəyə yönəlmiş vergilərin azalması ilə bağlı vəd verib və iki il əvvəl Ali Məhkəmə tərəfindən ləğv edilmiş abort hüququnu bərpa etməyə çalışacağını söyləyib. Keçmiş prezident Floridada altı həftəlik abort qadağasını dəstəkləmək qərarını müdafiə edib və abortun dövlət məsələsi olması barədə mövqeyini vurğulayıb.
Tramp əlavə edib ki, təklif etdiyi tariflər ABŞ-ın ticarətdə müttəfiqlər tərəfindən aldadılmasına son qoyacaq. O həmçinin döyüş meydanında Ukraynanın qələbə qazanmasını təmin etməsə də, Rusiya-Ukrayna müharibəsini tez bir zamanda bitirməyə çalışacağını bildirib.
Harris Trampı vəzifədən getdiyi zaman iqtisadiyyatın və demokratiyanın vəziyyətinə görə kəskin tənqid edib. O, Trampa dünya liderlərinin ona güldüyünü, hərbi liderlərin isə onu “rüsvayçılıq” adlandırdığını deyib.
Keçmiş prezident Donald Tramp təxminən 42 dəqiqə 52 saniyə, vitse-prezident Kamala Harris isə təxminən 37 dəqiqə 36 saniyə danışıb.
