İran prezidenti Məsud Pezeşkian iyulun sonunda vəzifəyə gəldiyi vaxtdan bəri ölkəsinin Rusiyaya silah ötürmədiyini deyib.
Bu barədə “Azadlıq” radiosu məlumat yayıb.
“Tamamilə mümkündür ki, çatdırılmalar əvvəllər də olub... Amma sizi əmin edə bilərəm ki, mən vəzifəyə başlayandan bəri Rusiyaya belə çatdırılma olmayıb”, - Pezeşkian bildirib.
Eyni zamanda o, İran və Rusiyanın “münasibətləri saxlamaq hüququna malik olduğunu” vurğulayıb.
Həmçinin, onun sözlərinə görə, Ukraynadakı müharibə NATO ölkələri tərəfindən “şərqə doğru genişlənməmək vədini pozaraq” təhrik edilib.
Xatırladaq ki, bir müddət əvvəl Qərb mətbuatı Rusiyanın İrandan yaxın mənzilli ballistik raketlər alması barədə məlumat yayıb. İran bu məlumatı təkzib edib.
Oxuməni.az
