Bu gün İBA Boks Gecəsində iştirak edəcək boksçuların çəki və üz-üzə mərasimi keçirilib.
İdman.biz xəbər verir ki, “Park Bulvar” da baş tutan tədbir yarış zamanı bir-biri ilə üz-üzə gələcək idmançıların səhnəyə dəvət olunması ilə başlayıb.
Çəki və üz-üzə mərasimindən sonra boksçular tamaşaçılara təqdim olunublar.
Qeyd edək ki, dünyanın ən güclü boksçularının iştirakı ilə Milli Gimnastika Arenasında təşkil olunacaq İBA Boks Gecəsi sentyabrın 28-də baş tutacaq. Bu görüşlərin 4-də Azərbaycan idmançıları da təmsil olunacaq.
İdman.biz
