Qırmızı ət, spirtli içki və fast food orqanizmdə iltihab üçün şərait yaradır, sarımsaq, zəncəfil, balıq və çay isə əksinə, ondan qoruyur.
Azpost.info bildirir ki, bu barədə Ohayo Dövlət Universitetinin alimlərinin elmi araşdırmasında deyilir.
Araşdırmanın nəticələri Public Health Nutrition (PHN) jurnalında dərc olunub.
Tədqiqatda ABŞ-dan olan 34500 yaşlı könüllü iştirak edib. Tədqiqatçılar iştirakçılardan pəhriz məlumatlarını toplayıblar. Onların hər biri üçün bədəndəki iltihabla əlaqəli təsiri ölçən Pəhriz İltihab İndeksini (DII) hesablayıblar. Kollektiv olaraq 45 pəhriz komponentinin təsiri qiymətləndirilib.
Nəticələr göstərib ki, bütün könüllülərin 57 faizi iltihab əleyhinə pəhrizə riayət edib. Qaradərili amerikalılar, kişilər, gənclər və təhsili və gəliri aşağı olan insanlar arasında bu nisbət daha yüksək olub. Tədqiqatçıların fikrincə, iltihab şəkərli diabet, ürək-damar xəstəlikləri, depressiya və digər psixi pozğunluqlar kimi xroniki patologiyaların inkişafına səbəb ola bilər.
Alimlər aydınlaşdırıblar ki, orqanizmdə iltihablar fast food, qızardılmış yeməklər, hazır yeməklər, şirniyyatlar, spirtli içkilər və ya qırmızı ətdən qaynaqlanır. Sarımsaq, zəncəfil, yaşıl və qara çay, taxıl, yaşıl yarpaqlı tərəvəzlər, paxlalılar, yağlı balıq və giləmeyvə açıq şəkildə iltihab əleyhinə təsir göstərir.
