İsrailin Baş naziri Benyamin Netanyahu da Adolf Hitler dayandırıldığı kimi dayandırılacaq.
Oxu24.com xəbər verir ki, bu fikirləri Türkiyə prezidenti Rəcəb Tayyib Ərdoğan X sosial şəbəkəsində bildirib.
Sərt bəyanatlara səbəb Qəzzada münaqişənin başlanmasının ildönümü olub.
Türkiyə prezidentinin sözlərinə görə, İsrail gec-tez “bir ildir törətdiyi və bu günə qədər törətdiyi bu soyqırımın əvəzini ödəyəcək”.
Ərdoğan İsrailin baş naziri Benyamin Netanyahunu Nasist Almaniyasının lideri Adolf Hitlerlə müqayisə edib və onun da “bəşəriyyətin ortaq birliyi tərəfindən dayandırılacağını” deyib.
2023-cü il oktyabrın 7-də minlərlə silahlı Həmas tərəfdarının Qəzza zolağından İsrail ərazisinə daxil olması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb. Bölgədə amansız qarşıdurma bir ildən artıqdır ki, davam edir, qonşu dövlətlər tədricən onun orbitinə çəkilir.
Bundan əvvəl Makron Netanyahuya Livan və Qəzzada atəşkəsin vaxtının yetişdiyini bildirib.
Nigar
