Müəllif: Tamara Mustafayeva, Banco.az
“Fitch Ratings”: Dünya iqtisadiyyatında dekarbonizasiya çox ləng gedir.
Banco.az xəbər verir ki, “Fitch Ratings” 2023-cü ildə böyük və inkişaf etmiş iqtisadiyyatların kəskin yaxşılaşmasına baxmayaraq, dünya iqtisadiyyatının dekarbonizasiya sürətində az irəliləyiş olduğunu bildirib.
“Fitch Ratings”in "İqtisadiyyat göstəricisi: Dünya ÜDM-nin karbonsuzlaşma sürəti hələ də çox yavaşdır" adlı təhlilinə görə, inkişaf etməkdə olan iqtisadiyyatların karbon intensivliyində heç bir azalmaya nail olunmasa da, bu ölkələrin dünya enerji istehlakında payı artmışdır.
2023-cü ildə qlobal iqtisadi artım 2,9 faiz, karbon emissiyalarının artımı isə 1,8 faiz olaraq hesablanıb. Emissiyaların qlobal ümumi daxili məhsula (ÜDM) nisbəti cəmi 1 faiz azalıb və bu nisbət ötən 25 ildəki orta azalma ilə eyni səviyyədədir. Ancaq, 2050-ci ilə qədər xalis sıfır emissiyaya çatmaq üçün emissiyaların qlobal ÜDM-ə nisbətinin azalması hər il 8 faiz olmalıdır.
Ötən il inkişaf etmiş ölkələrin emissiyaları 4,2 faiz azaldığı halda, iqtisadiyyatları 1,8 faiz artıb. Bununla da, inkişaf etmiş iqtisadiyyatların emissiyaları 1970-ci ildən bəri ən aşağı səviyyəyə düşüb.