Xəbər verdiyimiz kimi, Qazaxda 18 tələbə dönərdən zəhərlənib. Hadisə dünən Qazax şəhər ərazisində yerləşən Bakı Dövlət Universitetinin Qazax filialının bufetində baş verib.
Kütləvi zəhərlənmə ilə bağlı Bakı Dövlət Universitetindən Bizim.Media-ya bildirilib ki, Bakı Dövlət Universitenin Qazax şəhərində yerləşən Qazax filialında baş verən hadisə ilə bağlı müvafiq tədbirlər görülür.
MÖVZU İLƏ BAĞLI:
Qazaxda 18 tələbə dönərdən ZƏHƏRLƏNDİ - ADLAR
Qeyd edək ki, universitetin bufetində baş verən zəhərlənmə ilə bağlı AQTA da araşdırmalara başlayıb.
Məlumat üçün bildirək ki, Qazax Rayon Mərkəzi Xəstəxanasına ümumilikdə 18 nəfər (7 kişi, 11 qadın cinsli olmaqla) zəhərlənmə şübhəsilə müraciət edib. 16 nəfər ambulator müalicə üçün evə buraxılıb, 2 nəfər isə xəstəxanada müalicəsini davam etdirir.
Bizim.Media
