Qazaxıstanda zəlzələ baş verib.
“İki sahil” Zakon.kz-a istinadla xəbər verir ki, zəlzələni Astana vaxtı ilə saat 10:50-də Qazaxıstan Respublikası Təhsil və Mədəniyyət Nazirliyinin “Seysmoloji Elmi-Tədqiqat İnstitutu” MMC-nin seysmik stansiyalar şəbəkəsi qeydə alıb.
Agentliyin məlumatına görə, zəlzələnin episentri Almatıdan 258 kilometr cənub-şərqdə, Qırğızıstan və Çin sərhədində yerləşib.
Zəlzələ Almatı vilayətinin Rayımbek rayonunun Narınkol və Kegen rayonunun Kegen (dağlıq ərazilər) kəndlərinin sakinləri tərəfindən 2 bal gücündə hiss olunub.
Dağıntı və tələfat barədə məlumat yoxdur.
Məhərrəm Ağalaroğlu, “İki sahil”
