“Şamaxı” uğursuz oyunları seriyasını davam etdirib.
İdman.biz xəbər verir ki, Ayxan Abbasovun yetirmələri Misli Premyer Liqasında ardıcıl 4 oyundur həm qola, həm xala həsrətdirlər.
Şamaxının eyniadlı təmsilçisi sentyabrın 29-da öz meydanında “Turan Tovuz”la 2:2 hesablı heç-heçədən sonra qara zolağa düşüb. Bu oyundan sonra Abbasovun komandası “Səbail”ə 0:2, “Araz-Naxçıvan”a 0:1, “Qarabağ”a 0:3, bu gün isə “Zirə”yə 0:2 hesabı ilə məğlub olub.
Bu, quruhesablı məğlubiyyət sayında mövsümün antirekordunun təkrarıdır. “Kəpəz” çempionatın ilk 4 turunda qol vurmadan məğlub olub.
Qeyd edək ki, “Şamaxı” 12 xalla turnir cədvəlində 6-cı yerdə qərarlaşıb.
İdman.biz
