Atatürkün mənəvi qızına aid ayaqqabılar brend olub

“Sherg.az” “Milliyet.com.tr”yə istinadən bu qəribə hadisənin encə baş verdiyini oxuculara təqdim edir. Bu işi görən ixtisasca memar olan Bilge Candır. Onun ayaqqabı istehsalına başlamasının maraqlı tarixçəsi var. Bilge Can Türkiyə Cümhiriyyətinin qurucusu Mustafa Kamal Paşa – Atatürkün mənəvi qızı, övladlığa götürdüyü Zəhra Aylinə aid ayaqqabıları nənəsinin sandığından tapıb. Bu ayaqqabıları gördükdən sonra eynilə ona bənzərini istehsal etmək istəyi yaranıb. Keçmişindən və ailəsindəki qadınların əl işlərindən ilham alan və qurduğu marka ilə adını dünyaya tanıtdıran sahibkar Bilge Can indi Anadolunun min illik irsini müasir dünyaya daşıyır. Cümhuriyyət müəllimi olan valideynlərin iki övladından biri olaraq dünyaya gələn Bilge Can İstanbul Texniki Universitetinin Memarlıq fakültəsini bitirib. Qızı dünyaya gələnə qədər aktiv şəkildə memar kimi çalışan Bilge Can hazırda 53 yaşında qurduğu brendi idarə edir. Bilge Can keçmişdən və ənənələrdən güc aldığını, 53 yaşında öz brendini yaratmaq qərarına gəlməsinə nənəsindən və anasından öyrəndiyi ənənəvi sənətkarlıq irsini yaşatmaq, müasir dünya ilə görüşdürmək arzusundan qaynaqlandığını deyib:  “Öyrənməyi və kəşf etməyi sevirəm, düşünürəm ki, içimdə həmişə xəyalpərəst var. Mənim üçün bu brend şəxsi səyahətin və mədəni irsin davamlılığının simvoludur. "Bizim biznes modelimiz sosial müəssisə nümunəsi kimi təsvir edilə bilər, çünki biz estetika və funksionallıq təklif etməklə yanaşı, qadın sənətkarları dəstəkləyirik və onların iqtisadi müstəqilliyinə töhfə veririk". "Evimdə nənəmə məxsus bir antik sandıq var idi. İçərisində ipək parçalar, iynə krujevalı otaq dəstləri, nəfis naxışlı yorğanlar və atlaz gecə paltarları kimi mənim üçün böyük sentimental dəyər daşıyan çoxlu əşyalar var idi.  Ailəmin tarixi və ənənəvi əl sənətinə bağlılığı var. İkili naxışlı ayaqqabıları yenidən kəşf etdiyim zaman hər şey birdən dəyişdi. Bu çox qiymətli parça Koşuyolu'ndakı atelye mağazamızda "Markamızın ruhunu və hekayəsini ən yaxşı izah edən simvollardan biridir." Bilge Can keçmişindən güc alaraq yaratdığı brendinin nəinki keçmişin izlərini daşımasını istəmir, həm də ənənəvi əl işlərini müasir dünyaya uyğunlaşdırmağı qarşısına məqsəd qoyub. Hər parçanın həm keçmişdən, həm də indidən bəhs etməsini istədiyini ifadə edən Bilge Can brendinin artıq ayaqqabı, çanta və ya aksesuar kimi hər məhsulunda ustalıqla hazırlanmış əl işlərinin izləri var. Onlar türk sənətkarlığını, xüsusilə də ənənəvi əl tikmə sənətini dünyaya tanıtmaq və bu sənətkarlığı yeni nəsillərə ötürmək məqsədi daşıyır. Sahibkar qadın bu səbəbdən dizaynlarının qlobal dilə sahib olmasına çox diqqətli olduğunu, ilhamını getdiyi yerlərdən, oxuduğum kitabdan, bəzən getdiyi qalereyalardan və ya tanış olduğu insanlardan aldığını bildirib. Bilge Can, "Qadın sənətkarlarımızın iqtisadi cəhətdən güclənməsi və onlara sənətkarlığın təqdim etdiyi imkanlarla gəlir təmin etmək markamızın əsas dəyərlərindən biridir" deyib və bu anlayışla qadınların məşğulluğuna töhfə verməyi hədəflədiyini bildirib. Bilge Can İstanbulun Koşuyolu səmtindəki emalatxanasında satışla məşğuldur. Avropa və Yaxın Şərqdəki müxtəlif satış nöqtələrində öz brendini tanıdan Can, Türkiyənin əl işlərini daha geniş kütləyə çatdırmağı hədəfləyir.