Müəllif: Gülnar Əhmədli, Banco.az
Bu ilin üçüncü rübünün sonunda BP şirkətinin işçiləri olan Azərbaycan vətəndaşlarının sayı 2 401 nəfər olub və bura müddətli müqavilə əsasında işləyən işçilər də daxildir. 2023-cü ilin eyni dövründə bu say 2 395 nəfər olub.
Banco.az xəbər verir ki, bu barədə BP şirkətinin 2024-cü ilin üçüncü rübünün yekunlarına həsr olunmuş hesabatında qeyd edilib.
2018-ci ilin ortalarından BP-nin ixtisaslı işçilərinin 90%-ni milli kadrlar təşkil edir. İxtisası olmayan işçilər isə 100% yerli vətəndaşlardan ibarətdir.
Qeyd edək ki, 2023-cü ilin sonunda 2,353 nəfər, 2022-ci ilin sonunda 2,377 nəfər, 2021-ci ilin sonunda isə 2,266 nəfər Azərbaycan vətəndaşı BP-də işləyib.
