Gürcüstanın müxalifət partiyalarının dünən - noyabrın 5-də təşkil etdiyi etiraz aksiyası Tiflis Apellyasiya Məhkəməsi yaxınlığında keçirilib, bundan sonra nümayişçilər Robakidze prospektindən yürüşə başlayıb, Tsereteli prospektinə, oradan isə Diqomi massivinə keçiblər.
Moderator.az xəbər verir ki, bu haqda yerli Aliq.ge nəşri məlumat yayıb.
Siyasi liderlərin qərarına əsasən , noyabrın 6-da saat 11:00-da Tiflis Apellyasiya Məhkəməsində növbəti aksiya keçiriləcək. Saat 12:00-dan etibarən seçki mübahisələri üzrə məhkəmə prosesi təyin edilib.
Müxalifət noyabrın 5-də Tetritskkaro rayon məhkəməsinin hakimi Vladimir Xuçua 4 səsin məxfiliyinin pozulmasını təsdiqlədikdən və bununla da “Gürcüstan Gənc Hüquqşünaslar Assosiasiyası”nın (GYLA) iddiasını təmin etdikdən sonra vətəndaşların ikinci instansiya məhkəməsinə toplaşacağını elan edib. Hakimin qərarına əsasən, Tsalka və Tetritskkaro vilayətlərinə daxil olan bir sıra elektron dairələrin nəticələri etibarsız sayılıb.
Seçki Departamenti qərardan Tbilisi Apellyasiya Məhkəməsinə şikayət verib.
S.Laçın
