Hizbullah komandiri Livanın cənubunda Hiam bölgəsində öldürülüb.
İnterpress.az xəbər verir ki, bu barədə İsrail ordusunun mətbuat xidməti məlumat yayıb. Bildirilir ki, İsrail Hərbi Hava Qüvvələri Livanın cənubundakı Hiam bölgəsində Hizbullah komandiri Hüseyn Əbdül-Halim Hərbi öldürüb.
O, İsrailin şimalındakı məskunlaşan ərazilərə, xüsusən Metula bölgəsinə çoxsaylı raket hücumlarını idarə edib və həyata keçirib.
Son 24 saat ərzində İsrail ordusu bir neçə hava hücumu həyata keçirib. Bu zaman təşkilatın noyabrın 5-də İsrailin şimalına raket zərbələri endirən bir neçə silahlısı məhv edilib.
Xuraman Etibarlı
İnterpress.az
