Türkiyənin xarici işlər naziri Hakan Fidan Türkiyənin "Eurofighter Typhoon" qırıcılarının alınmasına dair istehsalçı ölkələrin konsorsiumu ilə apardığı danışıqlarda irəliləyiş olduğu barədə məlumat verib.
“Eurofighters”in alınması məsələsində irəliləyiş əldə olunub, təyyarə ilə bağlı texniki danışıqların başlaması belə şərh oluna bilər”, o, “Türkiyə” qəzetinə deyib.
Türkiyə Müdafiə Nazirliyi bundan əvvəl məlumat vermişdi ki, Böyük Britaniya və konsorsium ölkələrinin nümayəndələri ilə danışıqlar davam edir və yaxın vaxtlarda müsbət nəticələr gözləmək olar.
Türkiyə ilə Rusiya arasında S-400 hava hücumundan müdafiə sistemlərinin alay dəstinin tədarükü üçün müqavilə bağlandıqdan sonra Ankara 2019-cu ildə ABŞ-ın yeni nəsil F-35 qırıcılarının yaradılması proqramından çıxarılıb. Bunun ardınca Türkiyə F-35-ə alternativlərdən danışmağa başladı. Türkiyə tərəfi "Eurofighter" qırıcısını onlardan biri hesab edir.
Oxuməni.az
