Livandan İsrailə atılan raketlərdən biri yəhudi dövlətinin mərkəzi hissəsində, Tel-Əvivin Ben Qurion hava limanı yaxınlığında partlayıb.
Oxu24.com xəbər verir ki, bu barədə Kan radiosu məlumat yayıb.
Hava limanının normal rejimdə işlədiyi qeyd edilir. Ölənlər barədə məlumat yoxdur.
Raketlərdən birinin ölkənin mərkəzinə düşməsi barədə daha sonra İsrail Müdafiə Qüvvələrinin (IDF) mətbuat xidməti məlumat yayıb.
“Livandan 10-a yaxın raket sərhədi keçib. Raketlərin əksəriyyəti ələ keçirilib və bir atılan mərmi İsrailin mərkəzində müəyyən edilib”, - məlumatda deyilir.
Sentyabrın 17 və 18-də Livanın müxtəlif bölgələrində peycer və radioların silsilə partlayışlarından sonra Yaxın Şərqdə vəziyyət yenidən pisləşib. Sentyabrın 19-da İsrail Müdafiə Qüvvələri ölkə daxilində hava hücumları həyata keçirməyə başlayıb. Sentyabrın 23-də İsrail hakimiyyəti Livanda Hizbullahın hərbi infrastrukturuna qarşı “önləyici hücum əməliyyatına” başladığını elan etdi. Əməliyyat “Şimal oxları” adlanırdı.
Bundan əvvəl İsrail Livanın şimalında iki böyük rayonu birləşdirən körpünü dağıdıb.
Nigar
