70 sayllı Neftçala Seçki Dairəsindən deputat seçilmiş Tənzilə Rüstəmxanlının seçiciləri ilə görüşləri təkcə Neftçalada deyil, eləcə də Bakıda davam edir.
Newscenter.az xəbər verir ki, millət vəkili paytaxtdakı deputat ofisində Neftçala rayonu Xıllı qəsəbə sakini, ehtiyatda olan zabit Bağırov Mirmikayıl Böyükağa oğlu ilə görüşüb.
Görüşdə Mirmikayıl Bağırov Xıllı qəsəbəsində dağılmış köhnə bağı təmir etmək, həmin ərazidə Şəhidlər üçün guşə yaratmaq fikrinin olduğunu bildirib. Onun təşəbbüsü millət vəkili Tənzilə Rüstəmxanlı tərəfindən dəstəklənib və belə təşəbbüslərin önəmli olduğu deputat tərəfindən xüsusi qeyd edilib.
Ehtiyatda olan zabit Mirmikayıl Bağırov qəbula görə millət vəkilinə təşəkkür edib, Tənzilə Rüstəmxanlını millət vəkili seçilməsi münasibəti ilə təbrik edib, ona fəaliyyətində uğurlar arzulayıb.
Süleyman
