1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Moskva Donald Trampın administrasiyasında Vaşinqtonla əlaqələrə açıqdır, "top" ABŞ tərəfdədir".
Oxu.Az-ın TASS-a istinadla verdiyi məlumata görə, bu barədə Rusiyanın Xarici İşlər naziri Sergey Lavrov bildirib.
"Prezident Vladimir Putin "Valday" beynəlxalq müzakirə klubunun iclasında dedi ki, həmişə ünsiyyətə hazırdır və onu biz dayandırmamışıq - "top" qarşı tərəfdədir", - deyə Lavrov bəyan edib.
Bununla yanaşı, o vurğulayıb ki, Rusiyanın ABŞ-nin yeni administrasiyasından hər hansı gözləntiləri yoxdur.
"Gözləntilər və fərziyyələr olmayacaq. Konkret işlərə görə mühakimə edəcəyik", - deyə nazir qeyd edib.
