1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"COP29 iqlim konfransına ev sahibliyi edən Bakıda möhtəşəm ekoloji aksiya keçirilir. Xəzər sahilinə gedənlər ölü balina ilə qarşılaşırlar".
Oxu.Az xəbər verir ki, bu barədə Türkiyənin "Haber Global" telekanalı süjet hazırlayıb.
"Dünyanın ən böyük gölü olan Xəzər dənizinin sahillərində nəhəng ölü balina görüntülənib. Ancaq bu, əsl balina deyil. İqlim böhranına diqqəti cəlb etmək məqsədi daşıyan instalyasiyadır. Nəhəng canlı modeli Birləşmiş Millətlər Təşkilatının himayəsi altında COP29 Konfransına ev sahibliyi edən Azərbaycanın paytaxtı Bakıda sərgilənir. O, Xəzər sahilinə Belçikada yerləşən ətraf mühit təşkilatı "Captain Boomer Collective" tərəfindən gətirilib.
Aksiya iqlim dəyişikliyi problemi haqqında məlumatlılığı artırmaq məqsədi daşıyır, qlobal istiləşmənin balinalara təsiri probleminə diqqəti çəkir. Eyni model əvvəllər Paris, Sürix və Bordo kimi şəhərlərdə də sərgilənib", - deyə süjetdə bildirilir.
