Avstriyanın OMV enerji şirkəti Rusiyanın “Qazprom İxrac” şirkətindən qaz nəqlini dayandırdığını elan edib.
Bir gün əvvəl şirkət Rusiya tərəfinin tədarükün noyabrın 16-dan dayandırılacağı barədə xəbərdar etdiyini bildirib.
OMV sözçüsü və enerji tənzimləyicisinin E-Control rəhbəri Alfons Haber bildirib ki, bu gün səhər saat 6-dan bəri qaz tədarükü olmadığını təsdiq edirik”. Onun sözlərinə görə, Rusiya şirkəti qaz verməkdən imtina etdikdən sonra Avstriyaya tədarük həcmi 12-15% azalıb.
Qeyd edək ki, noyabrın 15-də “Qazprom Export” şirkəti OMV-ni noyabrın 16-dan etibarən qaz tədarükünü dayandıracağı barədə xəbərdar edib. Avstriya kansleri Karl Nehammer daha sonra bəyan edib ki, ölkə ilin əvvəlindən Rusiya qazından müstəqil olmağa hazırlaşır. O, “qışda heç kimin donmayacağına” söz verərək, ölkənin qaz anbarlarının illik istehlaka görə 93 faiz dolu olduğunu qeyd edib. O, Rusiya şirkətinin hərəkətlərini “şantaj” adlandırıb.
//Samir Qurbanov, Editor.az
