Hacıqabul rayonunda qaynatasını döşəmə təmizləyən taxta ilə döyən gəlinə hökm oxunub.
News24.az Qaynarinfo-ya istinadla bildirir ki, hadisəyə görə 1987-ci il təvəllüdlü İ.C. saxlanılıb. Onun barəsində İnzibati Xətalar Məcəlləsinin 157-ci maddəsi ilə protokol tərtib edilib və iş məhkəməyə göndərilib.
Gəlin məhkəmədə A.S. adlı qaynatasının ona qarşı xoşagəlməz ifadələr işlətdiyini və hadisəni bu səbəbdən törətdiyini deyib. İ.C. qaynatasının dediklərindən əsəbləşərək döşəməni təmizləmək üçün istifadə olunan taxta ilə onun kürək və boyun hissələrinə vurub. Daha sonra A.S. evdən qaçaraq polisə məlumat verib.
Araşdırma zamanı keçirilmiş məhkəmə-tibbi ekspertizasında A.S.nın bədənində ciddi bir travmatik zədə və onun obyektiv izləri aşkar edilməyib.
Məhkəmənin qərarı ilə İ.C. İnzibati Xətalar Məcəlləsinin 157-ci maddəsi ilə nəzərdə tutulmuş inzibati xətanı törətməkdə təqsirli bilinib və 300 manat məbləğində cərimə olunub.
