Rusiya qoşunları Ukraynanın Novomlinsk kəndinin cənubunda Oskol çayını qayıqlarla keçərək ərazidə mövqelərini möhkəmlədirlər.
Reyting.az xəbər verir ki, bunu Ukraynanın “DeepState” layihəsinin analitikləri bildiriblər. Onlar bu əməliyyatı gözlənilməz hesab edirlər.
Analitiklərin fikrincə, ruslar Dvureçnoyedən üzərək qərb sahilində də möhkəmlənməyə başlayıblar.
Analitiklər qeyd ediblər ki, bu cür hadisələr artilleriya və minaatan atəşlərinin artması ilə nəticələnir. Buna görə də Dvureçanski və Kupyanski icmalarının sakinlərinin köçürülməsi vacib hesab edilir.
Ukrayna Silahlı Qüvvələri Baş Qərargahının son hesabatına görə, son 24 saat ərzində Rusiya Federasiyasının qoşunları Lopan, Tixoy və Volçansk ərazilərində Müdafiə Qüvvələrinin mövqelərinə altı dəfə basqın edib. Kupyanski istiqamətində ruslar Novomlinsk, Kolesnikovka, Kruglyakovka, Senkovo və Lozovaya yaxınlığında hücumlar həyata keçirib.
E. KAMAL
