Bazar ertəsi, noyabrın 25-də Leypsiqdən uçan yük təyyarəsi Litvanın paytaxtında ikimərtəbəli yaşayış binasına çırpılıb və yanıb. Bu barədə LRT məlumat yayıb.
Polisin məlumatına görə, təyyarənin qəzaya uğraması barədə məlumat yerli vaxtla saat 5:31-də daxil olub. Təyyarə Vilnüs hava limanı yaxınlığındakı Zirnu küçəsində yerləşən evlərdən birinin üzərinə düşüb.

Təyyarə DHL kuryer və logistika şirkətinə məxsusdur. Təyyarədə dörd nəfər olub: iki pilot və iki DHL əməkdaşı. Evdə neçə nəfərin olduğu hələlik məlum deyil. Yanğının söndürülməsinə 7 yanğınsöndürən maşın cəlb olunub.
Yanğın və Xilasetmə İdarəsinin sözçüsü LRT-yə bildirib ki, azı bir nəfər ölüb, iki nəfər yaralanıb. İlkin məlumatlara görə, söhbət təyyarədə olan şəxslərdən gedir. Təyyarənin pilotlarından biri xilas edilib və huşunu itirib.

aia.az
Tərcümə şöbəsi

• Qəza
• Yaşayış Binası
• Vilnüs
• Yük Təyyarəsi