Böyük Britaniya Rusiyanın kölgə donanmasına qarşı sanksiya siyahısında 30 gəminin yer aldığı genişmiqyaslı sanksiyalar paketi təqdim edir.
Oxu24.com xəbər verir ki, bu barədə bazar ertəsi Böyük Britaniyanın xarici işlər naziri Devid Lammi bildirib.
Reuters-in məlumatına görə, Lammy bildirib ki, Londonun elan etdiyi tədbirlər Rusiyanın kölgə donanmasına qarşı ən böyük sanksiyalar paketidir - Britaniyanın dediyinə görə, Qərbin Rusiya neftinə tətbiq etdiyi məhdudiyyətlərdən yan keçmək üçün istifadə olunur. Böyük Britaniya Xarici İşlər Nazirliyi sanksiyalar siyahısındakı gəmilərin keçən il milyardlarla funt sterlinq dəyərində neft və neft məhsulları daşıdığını və yeni tədbirlərin Böyük Britaniyanın sanksiyaları altında olan neft tankerlərinin sayını 73-ə çatdıracağını açıqlayıb.
Böyük Britaniya həmçinin Rusiyanın iki sığorta şirkəti - AlfaStrakhovanie və VSK-nın sanksiyalara məruz qaldığını bəyan edib.
Lammy həmçinin G7 müttəfiqlərini Ukraynaya lazım olduğu qədər, xüsusən də hərbi təchizat sahəsində dəstək verməyə çağırıb. G7 ölkələrinin xarici işlər nazirlərinin İtaliyadakı iclasının açılışından əvvəl Lammi Kiyevin “2025-ci ildən sağ qalması üçün vəsait, hərbi texnika və avadanlıq” alacağına əminliyini ifadə edib.
Nigar
