Çinin Vaşinqtondakı səfirliyinin sözçüsü Liu Pengyu Donald Trampın 10 faiz əlavə vergi elanını dəyərləndirərkən ABŞ və Çin arasında ticarət və ya vergi müharibəsində qalibin olmayacağını bildirib. Manset.az bu barədə xarici mediaya istinadən xəbər verir. Liu Penqyu bildirib ki, Çin və ABŞ-nin narkotiklərlə mübarizə bölmələri San-Fransisko Sammitindən sonra müntəzəm olaraq görüşürlər. Sözçü Çinin ABŞ-ni narkotiklərlə mübarizədəki son hadisələrlə bağlı məlumatlandırdığını və bəzi hallarla bağlı ipuçlarını sübut etmək üçün ABŞ-nin tələbini yerinə yetirərək tədbir gördüyünü bildirib. Xatırladaq ki, ABŞ-nin 47-ci prezidenti seçilən Donald Tramp sosial media hesabından narkotik qaçaqmalçılığı səbəbindən Çindən gələn mallara tətbiq edilən idxal rüsumlarına əlavə 10 faiz vergi tətbiq edəcəyini açıqlayıb.
